Хто мы і чым займаемся?

Беларуская Рада культуры – супольнасць экспертаў, менеджараў і творцаў.

Мы працуем над адбудовай экасістэмы беларускай культуры ў новых умовах – на фоне рэпрэсій, эміграцыі дзеячаў і пошуку сябе ў новых краінах.

Мы імкнемся захаваць непадзельнасць беларускай культурніцкай прасторы, якая ёсць агульнай і для тых, хто з’ехаў, і для тых, хто застаецца ў краіне.

Што мы робім:

Для сферы ў цэлым: 

• Давядзенне значнасці культуры на ўсіх узроўнях і прыцягненне рэсурсаў на культуру.
• Дзейнасць па адбудове новых супольнасцяў, якія могуць гарантаваць развіццё і ўстойлівасць беларускіх культурніцкіх ініцыятыў.
• Даследаванне патрэбаў, аналіз і маніторынг сітуацыі ў розных сферах культуры.

Для  творцаў

• Падтрымка праектаў і ініцыятываў, накіраваных на ўмацаванне беларускага культурнага поля/стварэнне інфраструктуры.
• Садзейнічанне адукацыі творцаў і мэнеджараў, падвышэнне іх кваліфікацыі, пашырэнне кантактаў.
• Арганізацыя персанальнай гуманітарнай падтрымкі для творцаў, якія апынуліся ў складанай сітуацыі – кансультаванне, фінансавая, юрыдычная ды інш. дапамога.

Чым мы не займаемся:

• арганізацыяй івэнтаў;
• пошукам вакансіяў і працаўладкаваннем;
• контрпрапагандаю;
• арэндаю, набыццём інструментаў і абсталявання для імпрэзаў.

Юрыдычная даведка

Зарэгістраваная з кастрычніка 2020 года на тэрыторыі ЕЗ (у Эстоніі пад назваю MTÜ Valgevene Kultuuri Assotsiatsioon) некамерцыйная дабрачынная арганізацыя, з траўня 2023-га мае праваабарончы статус.

У Беларусі на рашэнне Міністэрства ўнутраных справаў прызнаная “экстрэмісцкім фармаваннем”, на рашэнне Партызанскага суда Мінску ўсе старонкі і суполкі ў сетках, матэрыялы ды ініцыятывы Беларускай Рады культуры прызнаныя “экстрэмісцкімі матэрыяламі”, “экстрэмісцкім” таксама прызнаны адзін з нашых тэлеграм-каналаў, прысвечаных кампаніі #BelarusWithUkraine.

У 2026 годзе Беларускую Раду культуры прызналі “экстрэмісцкім фармаваннем” у другі раз – на рашэнне № 4/41-76 камітэта дзяржаўнай бяспекі Беларусі ад 09.04.2026 наша арганізацыя, а таксама праграма ArtPower Belarus, праект “Беларускія магістраты” і праграма падтрымкі беларускамоўнай адукацыі “Васьміног“, якія стартавалі пры нашым удзеле, былі прызнананыя “экстрэмісцкімі фармаваннямі“.